Guo bang a zu guolzawlna!

Zing huikhisiang leh vachin haamte’n kazalna laikhun tung apan taikhuovah ta chi hing hil uhi. Katho khiat zo in laisim ding a kisa in ka dawkan (table) tung ah ka laibute kakoi hi. Tuachi lai in window polam ah silkhat in kangaituona ahing lamang koi laizang hi. Tua khu bang thupi hilou in loupa gaw vevaw (dried grass), hingla vetvawt khat nahi laizang hi. Tuachia kangaitua lai in van kihong in guapi ang zuta hi. Tawlkhat zou in ahing theupai vanglah hi. Loupa gaw mama pen hing hinsuo (lively again) kia in a etlawm ta mama hi.

Tammi in ngaituona sau zosem angtun kia hi. Tamna kangaituona ahileh, tua loupa bang in khatveiteng I hagau hinkhuo ah sun nisa hamtang thuo zoulou in, basam in I umthei zel ua, solna leh genthei chimonate in angtuam hun tam mama ding in kagingta hi. Tambang hun ah ei-le-ei kiningtel in kingaisiatna, thangpaina leh lungsim hoilou tuamtuam te’n ihinna aluo hun zong umding in gingta ing. Khatvei teng Pasian zong maw isah hun um in I question nuam khathei uhi. Tuabang hinkhua natuah hun chieng in ngaitua lechin, loupa bawl pa in ahun hun in guotuite toh tapnou in ahinsuo kia zel hi. Hagau gaw vevaw in um nanlechin lungdet a Pasian hun nangah a ahileh hunkhat chieng in Pasian in gualzawlna guotui bang in nang tung ah hing tungsah ding ahi.

Nuatawn lou a Pasian ah kip a ngahzou leh a thupha tang hiding in mimal kim Pasian in hing guolzawl chiet hen aw!